1. Sym so pola lernu! zregistrował, ale dotal njejsym slubjeny wobkrućenski kod dóstał. Što činić?
2. Čehodla zdźěla mi system, zo, hdyž wobkrućenski kod zapodam, je pak wopak pak stary, hačrunjež sym wšě prawje zapodał?
3. Kak móžu swoju registraciju anulować?
4. Sym swoje wužiwarske mjeno/hesło zabył. Kak móžu je zhonić?
5. Kak móžu swoje wužiwarske mjeno změnić?
6. Kak móžu swoje hesło změnić?
7. Kak móžu swoju e-mejlowu adresu změnić?
8. Kak móžu druhe daty změnić, kotrež so w mojim profilu jewja?
9. Kak móžu rěč stronow změnić?
10. Čehodla njeje so mi poradźiło foto zasunyć?
11. Kak móžu swoje foto změnić?
12. Moje foto bu wušmórnjene. Čehodla?
13. Čehodla so moje mjeno w lisćinje wužiwarjow njejewi?
14. Čehodla so na karće wužiwarjow moje wužiwarske mjeno abo wužiwarske mjeno druheho wužiwarja njejewi?
15. Čehodla we wšěch lisćinach wužiwarjow pódla mojeho mjena slědowace wotkazy faluja: "Informacije pokazać", "Přećela přidać", "Powěsć pósłać" a "Pohladnicu pósłać"?
16. We wužiwarskich profilach so informacija wo aktiwiće jewi. Kak so wobličuje?
17. Mój přećel chce so pola lernu! přez mój ličak registrować, ale njewidźimoj stronu registrowanja. Što činić?
18. Přijimam kóždy dźeń někajke powěsće z lernu!. Što mam činić, zo njeby so hižo stało?
19. Móžu słowa dnja w druhej rěči dóstać?
20. Sym kóždy dźeń "słowo dnja" dóstał, ale hižo wot něšto dnjow njedochadźeja. Što je so stało?
21. Sym nadawk wo nějakim kursu pósłał, ale hižo wot něšto dnjow žadyn rěčny pomocnik mi njewotmołwja. Što so stawa?
22. W mojim wobhladowaku lernu! dźiwnje wupada a wjacore wěcy njefunguja. Što činić?
23. Kak móžu esperantowe pismiki z diakritiskimi znamješkami zapodać?
24. Što činić, zo njeby so x do diakritiskeho znamješka konwertował?
25. Kak so čas w lernu! pokazuje?
26. Chcu so z přełožowarjom/rěčnym pomocnikom lernu! stać. Što činić?
27. Strony so mi spodobaja a bych rady trochu pjenjez darił. Móžu to činić?
28. Čehodla so pola lernu! wabjenje jewi?

Sym so pola lernu! zregistrował, ale dotal njejsym slubjeny wobkrućenski kod dóstał. Što činić?

Móže być, zo dyrbiš trochu čakać, dokelž powěsće jara často z wěstym zapoždźenjom dóńdu. Nimo toho je pola "Moje lernu! formular, z kotrymž móžeš system prosyć, zo by so kod znowa připósłał. Jeli to njepomha, su najskerje spamowe filtry twojeho póstoweho serwera naše powěsće wufiltrowali. Skontroluj swój spamowy kašćik, a jeli naše powěsće tam njejsu, dyrbiš administratoram swojeho serwera pisać a spytać swoju e-mejlowu adresu změnić. Čitaj tu, kak móžeš e-mejlowu adresu změnić.

Čehodla zdźěla mi system, zo, hdyž wobkrućenski kod zapodam, je pak wopak pak stary, hačrunjež sym wšě prawje zapodał?

Móže być, zo twoje konto je hižo wobkrućene. To móže so stać, jeli sy připadnje dwójce na wobrućenski wotkaz kliknył abo stronu po zapodaću koda zaktualizował. Spytaj so ze swojim wužiwarskim mjenom a hesłom přizjewić. Jeli to njepomha, móžeš přez tutu stronu prosyć, zo by system ći wobkrućenski kod znowa připósłał a snano to lěpje funguje. Jeli samo to njepomha. napisaj komentar wo tym přez komentarny wotkaz, kotryž je deleka na kóždej stronje lernu!.

Kak móžu swoju registraciju anulować?

Móžěs to na tutej stronje činić. Zapodaj swoje hesło a klikńa na tłóčatko "Wotstronić". Wobkedźbuj, zo, jeli to činiš, zhubiš přistup k swojim powěsćam, pruwowanjam a pod. A potom njemóžeš so ze samsnym wužiwarskim mjenom ani přizjewić ani znowa registrować.

Sym swoje wužiwarske mjeno/hesło zabył. Kak móžu je zhonić?

Na tutej stronje móžeš system prosyć ći powěsć z wužiwarskim a hesłom připosłać. Trjebaš jenož swoju e-mejlowu adresu w tamnišim formularje zapodać.

Kak móžu swoje wužiwarske mjeno změnić?

Bohužel njeje tuchwilu móžno, ale team lernu! nadźija so, zo so nam poradźi tutu móžnosć w přichodźe přidać.

Kak móžu swoje hesło změnić?

To móžeš na tutej stronje činić. Ale dyrbiš so prjedy přizjewić, zo by tutu stronu widźeć móhł.

Kak móžu swoju e-mejlowu adresu změnić?

Móžeš to na tutej stronje činić. Wobkedźbuj, zo na twoju nowu e-mejlowu adresu so wobkrućenski kod sćele, z kotrymž dyrbiš změnu wobkrućić. Jeli to nječiniš, změna so njestawa.

Kak móžu druhe daty změnić, kotrež so w mojim profilu jewja?

Haj, móžeš to na tutej stronje činić. Zapodaj nowe informacije a klikń na tłóčatko deleka.

Kak móžu rěč stronow změnić?

Horjeka naprawo na kóždej stronje je menij rěčow. Wubjer nowu rěč a njezabudź na pódlanske tłóčatko "Ek!" kliknyć.

Čehodla njeje so mi poradźiło foto zasunyć?

Móže być, zo je přewulke abo w njedowolenym formaće. Přečitaj kedźbliwje w formularje pódla "Foto" , kak wulke a w kotrym formaće twoje foto smě być, a zawěsć so potom, zo twoje foto hodźi so. Jeli so wukopa, zo njehodźi so, spytaj je z wobrazowym programom pomjeńšić a/abo do praweho formata konwertować.

Kak móžu swoje foto změnić?

Dyrbiš najprjedy swoje nětčiše foto wotstronić. Móžeš to z tutym formularom činić. Podaj pod "Foto" pola "Wotstronić?" "Haj" a składuj změny ze tłóčatko pod tym. Twoje foto wotstroni so a potom móžeš ze samsnym formularom nowe foto nahrać.

Moje foto bu wušmórnjene. Čehodla?

Móže być, zo twoje foto bě přenjepřistojne a móžeše druhich wosobow na našich stronach křiwdźić. Tež dźěći wužiwaja naše strony. Zwjetša pisamy najprjedy wužiwarjam a prosymy jich tajke fota wotstronić. Ale, jeli njereaguja, wotstronimy foto sami.

Čehodla so moje mjeno w lisćinje wužiwarjow njejewi?

Najskerje to so tohodla stawa, dokelž sy w swojim profilu podał, zo twój profil nima so wozjewić. Dźi k tutej stronje a zawěsć so, zo je pola "Wozjewić" "Haj" wubrał. Jeli je "Ně" podał, změń to do "Haj" a składuj potom swoje změny z pomocu tłóčatko pod tym.

Čehodla so na karće wužiwarjow moje wužiwarske mjeno abo wužiwarske mjeno druheho wužiwarja njejewi?

To so stawa, dokelž nic wšitcy wužiwarjo koordinaty k swojemu bydlišću podać. Jeli cheš, zo twoje mjeno ma so na karće jewić, dź k tutej stronje a podaj prawe koordinaty. Njezabudź změny składować.

Čehodla we wšěch lisćinach wužiwarjow pódla mojeho mjena slědowace wotkazy faluja: "Informacije pokazać", "Přećela přidać", "Powěsć pósłać" a "Pohladnicu pósłać"?

Njeboj so, druzy wužiwarjo móža wotkazy widźeć. Jenož ty je njewidźiš, dokelž njetrjebaš so sam k lisćinje swojich přećelow přidać abo sej ze sobu dopisować.

We wužiwarskich profilach so informacija wo aktiwiće jewi. Kak so wobličuje?

Pokazuje twoju aktiwitu za zańdźenych 30 dnjow. Jeli njejsy strony za 30 dnjow wopytał, je twoja aktiwita nul, samo jeli bě prjedy strony aktiwnje wužiwał. Čim časćišo so přizjewješ a čim wjace stronow wopytuješ za zańdźenych 30 dnjow, ćim wyša budźe twoja aktiwita.

Mój přećel chce so pola lernu! přez mój ličak registrować, ale njewidźimoj stronu registrowanja. Što činić?

Njewidźiš stronu z registrowanjom we hłownym meniju, dokelž sy najskerje systemej zdźělił, zo ma sej će spomjatkować. Tuž so přichodny raz, hdyž přińdźeš, awtomatisce twoje přizjewjenje stawa a tohodla strona z registrowanjom widźomna njeje. Zo by tutu stronu zaso widźeć móhł, dyrbiš so wotzjewić. Naprawo namakaš wotkaz "Wotzjewić so", klikń na njón a potom so we hłownym meniju zapisk "Registrowanje" zjewi. Z formularom, kotryž je na tutej stronje, móže so twój přećel lochko registrować.

Přijimam kóždy dźeń někajke powěsće z lernu!. Što mam činić, zo njeby so hižo stało?

Najskerje dźe wo našu słužbu "Słowo dnja". Deleka na kóždej e-mejlce ze słowom dnja je direktny wotkaz. Klikń na njón. Po tym zo sy to činił, budźe so strona z informaciju jewić, zo sy słowa dnja wuspěšnje wotskazał. Nimo toho móžeš so do lernu přizjewić a w swojim profilu pola "Słowo dnja" "Ně" podać. Njezabudź změny z tłóčatkom pod tym składować.

Móžu słowa dnja w druhej rěči dóstać?

Bohužel ně, dokelž to by přewjele dźěła za přełožowarjow lernu! zawinowało (je dźě trjeba tež přikłady a pod. přełožować, kotrež su wosebje za ludźi wužitne, kotrež hižo trochu rěč wobknježa). Město toho dźěłamy za polěpšenje słownika lernu! a přidawamy jemu dalše přełožki a wujasnjenja esperantowych słowow.

Sym kóždy dźeń "słowo dnja" dóstał, ale hižo wot něšto dnjow njedochadźeja. Što je so stało?

Zawěsć so, zo w swojim profilu pola "Słowo dnja je "Haj" podaty. Jeli w twojim profilu je wšo prawje podate, móže być, zo su spamowe filtry twojeho póstoweho serwera naše powěsće wufiltrowali. Skontroluj swój spamowy kašćik a jeli to njepomha, napisaj administratoram swojeho serwera abo změń swoju e-mejlowu adresu pola lernu!.

Sym nadawk wo nějakim kursu pósłał, ale hižo wot něšto dnjow žadyn rěčny pomocnik mi njewotmołwja. Što so stawa?

Zwjetša pomocnicy lernu! koriguja nadawki w swojim swobodnym času, dokelž tute dźěło je njepłaćene. Tohodla móže so stać, zo nadawk někotre dny bjez wotmołwy wostanje. Za to su wjacore přičiny móžne, na přikład, rěčny pomocnik ma přewjele dźěła, je zapućowany atd. Počakaj něšto dnjow a jeli žana wotmołwa njedóńdźe, napisaj komentar wo tym a pósćel jón z komentarnym wotkazom, kotryž je deleka na kóždej stronje lernu!. Snano namakamy wosobu, kotraž móže twój nadawk korigować.

W mojim wobhladowaku lernu! dźiwnje wupada a wjacore wěcy njefunguja. Što činić?

Móže być, zo wobhladowak wužiwaš, kotryž naše strony njepodpěruja. Testujemy swoje strony jenož w Firefoksu 1.4+ a Internet Explorerje 5+. Tež tebi doporučujemy tute wobhladowaki za lernu! wužiwać. Jeli jedyn z tutych wobhladowako wužiwaš, sed najebać toho so někajke zmylki jewja a/abo strona špatnje wupada, prosymy će naš přez komentarny wotkaz informować, kotryž je deleka na kóždej stronje lernu!.

Kak móžu esperantowe pismiki z diakritiskimi znamješkami zapodać?

Wšě informacije wo tym móžeš na stronje wo diakritiskich znamješkach namakać.

Što činić, zo njeby so x do diakritiskeho znamješka konwertował?

Jeli chceš, zo x wostanje, staj apostrof před nje. Na přikład: c'x, g'x, j'x, u'x (bjez mjezerow).

Kak so čas w lernu! pokazuje?

Čas w lernu! so (nimo na stronach statistiki, hdźež so serwerowy čas podawa) wotwisnje wot časoweho pasma pokazuje, kotrež móžeš w swojim profilu podać.

Chcu so z přełožowarjom/rěčnym pomocnikom lernu! stać. Što činić?

Dźakujemy so! Dalše informacije su tu.

Strony so mi spodobaja a bych rady trochu pjenjez darił. Móžu to činić?

Dźakujemy so za to! Wšě informacije móžeš tu namakać.

Čehodla so pola lernu! wabjenje jewi?

Wothladowanje serwera, wutworjenje a wothladowanje stronow často pjenjezy płaća. Tohodla pomha nam wabjenje, znajmjeńša wudawki kryć.