Hdyž w lernu! pisaš, doporučujemy "x-metodu" wužiwać (na přikład "sx" za "ŝ"). Tuta metoda je najjasniša a nimo toho system tutych stronow ju na přikład w powěstniku a zwučowanjach podpěruje. Zo by pismik z diakritiskimi znamješkami zapodał, wupłaći so program Ek! (za Windows) instalować abo po tutym wopisanju (za Linuks) postupować. Deleka namakaš wujasnjenja, kak móžeš diakritiske znamješka zwobraznić, jeli maš problem je widźeć:

Za Windows

Móže so stać, zo specialne pismiki esperanta z diakritiskimi znamješkami so we wobhladowaku prawje njezwobraznjeja. Potom problem je, zo nic wšě trěbne pisma su instalowane. Moderny Windows (wot něhdźe 1997) hižo ma wšě trěbne pisma, ale jeli prawje njekedźbuješ, móže so stać, zo so nic wšě z tych pismow woprawdźe instaluja, hdyž so Windows instaluje. W tutym padźe je trjeba instalaciju wudospołnić.

Zo by instalaciju Windows wudospołnił, dźi k "Systemsteuerung" -> Software -> Windows Setup ("Control panel" -> "Add/remove programs" -> "Windows setup")

Tam móžeš widźeć, hač "Sprachenunterstützung" (Podpěra wjacorych rěčow) je instalowana abo nic. Skontroluj tež, kotre rěče su instalowane (klikń dwójce na symbol "Sprachenunterstützung"). Najwažniša je turkowšćina, ale wubjer najlěpje prosće wšě k dispoziciji stejace rěče. Jeli nimaš trěbne wěcy na swojej Windowsowej cejdejce, dyrbiš je sej wobstarać. Prjedy bě móžno podpěru za wjacore rěče z Mikrosoftoweho websydła darmo sćahnyć, ale nětko tuta móžnosć po wšěm zdaću hižo njeje.

Druha móžnosć je instalalacija noweje wersije wobhladowaka Internet Explorer. Wjelerěčna podpěra, tež "Pan-European" mjenowana, je wuběrajomny dźěl programa. Jeli so kompletna instalacija Internet Explorer nječini, so podpěra za wjacore rěče sobu njeinstaluje.

Je tež wažnje, kotre pismo je we wobhladowaku wubrane. W nastajenjach Internet Explorer hodźi so mjez wělakimi pismami wubrać. "Arial" a "Times New Roman" su zwjetša přihódne a "Courier New" je dobry wuběr za pismo z krutej šěrokosću, ale funguja jenož potom, jeli sy podpěru za wjacore rěče wuspěšnje instalował. Wažnje je pismo na zakładźe Latina (znajmjeńša w Internet Explorer 5 a 6).

Za Linuks

Tež w Lunuksowych wobhladowakach wustupuja problemy ze speialnymi znamješkami esperanta, zawinowane přez njeinstalowane pisma. Je trjeba pismo wubrać, kotrež wšě trěbne znamješka wobsahuje. W modernych Linuksach zwjetša tajke pisma hižo eksistuja, ale móže być, zo dyrbiš swoje pisma wudospołnić. Jeli maš přistup k Windowsowemu systemej, móžeš na př. "Arial", "Times New Roman" a "Courier New" z Windowsa do Linuksa kopěrować.

Za Makintoš

Specialne znamješka esperanta w nowym Makintošu OS X jara derje funguja. W starych systemach wšak móža problemy wustupić.