Za wobdźělnikow na lekciji:

Na stronje wirtualnych lekcijow namakaš lisćinu lekcijow. Wubjer tu, na kotrejž chceš so wobdźělić a zastup wirtualnu rjadownju.

W njej horjeka, namakaš naprawo wotkazy "Lekciju wubrać" (zo by druhu lekciju wubrał) a "Wopušćić" (zo by wirtualnu rjadownju wopušćił).

Wujasnjenja wo tłóčatkach a jich wužiću:

• Pomoc - wjedźe k stronje z wujasnjenjemi, kak hodźi so wirtualna rjadownja wužiwać.
• Pokazać/Schować, štó je přitomny - pokazuje abo chowa lisćinu wšěch, kotřiž so na lekciji wobdźěleja.
• K zhromadnej stronje so wróćić - hdyž so na lekciji wobdźěleš, móžeš druhe strony wobhladać. Jeli chceš so k tej wróćić, kotruž wučer pokazuje, klikń na tute tłóčatko.
• Zynk wupinyć - wupina zynk. Potom tłóčatko so k tomule měnja: . Klikń na nje, zo by zynk zaso zapinał.
• Lekciju sćahnyć - sćahuje a składuje lekciju na twojim ličaku.

Wobkedźbuj, zo dyrbiš prawidła dodźeržeć! Jeli wučbu myliš, smě wučer će blokować. Potom směš jenož čitać, ale nic pisać. Wo tym so warnowanje na čerwjenym pozadku zjewi. Hdyž wučer će wotblokuje, so pokiw na zelenym pozadku zjewi.