"Pasporto al la tuta mondo" je esperantowy kurs, kotryž z 15 třicećimjeńšinowych lekcijow wobsteji a je na indiwiduelne abo skupinske wuknjenje wusměrjeny. 16. lekcija wobsahue zjeće, stawizny projekta a originalnu hudźbu. Kóžda lekcija je dospołnje w esperanće a wobsahuje tři dźěle: zawod, dialog a zjeće.

Tuta drama w stilu telewizijneje serije přeprošuje wuknjacych dyrdomdejstwa swójby Bonvolo a jich přećelow a znatych slědować. Swójba Bonvolo je wšědna swójba. Nan, Georgo, je grjekski filozof a mać, Filisa, rejowarka. Harmonija w tutej trochu nimorjadnej swójbje so myli, hdyž młody wowčer, hromadźe z wowcu, rozsudźa słužbu Pasporta Servo zwužić a přińdźe, zo by wostał. Komplikacije a njedorozumjenja, kotrež z toho wurostuja, dadźa zakład za spěšny a žiwy dialog, kotryž kedźbnosć wuknjacych - a nazhonjenych rěčnikow esperanta - hač do kónčneje sceny w lekicji 15 na so złoži.

Hrajerjo, kotřiz z wjele dźělow swěta pochadźeja, wužiwaja esperanto tak, kaž so wurjekuje - přeco jasnje, přeco zrozumliwje, druhdy z akcentami, kotrež woprawdźe, swětodaloke wužiwanje esperanta wotbłyšćuja. Potajkim, "Pasporto al la tuta mondo" njepředstaja kumštnu, ale přiródnu a žiwu rěč!

Lekcije wobsahuja rysowanki, fota a mapy. Za skrućenje a zwučowanje noweje maćizny, kotraž so w kóždej lekciji zawjeduje, wobjednawa zjeće nadrobnje hłowne gramatiske zjawy, kotrež so w dramje předstajeja a přihotuje wuknjaceho na pisomne zwučowanja, kotrež kurs přewodźeja. Pisomne zwučowanja, kotrež Stefan MacGill zestaji, wudospołnjeja lekcije a dadźa praksu w čitanju a pisanju, kotraž je wažna za wuknjenje rěče. Hižo na kóncu 15 lekcijow dyrbjał wuknjacy móc:

• sebjewědomje a dokładnje so w rjedźe wšědnych situacijow rozmołwjeć
• kompreni parolatan Esperanton en diversaj kontekstoj kaj de diversspecaj parolantoj kun moderaj naciaj akĉentoj;
• hłowne kajkosće esperantoweje gramatiki póznać a je w ertnej a spisownej komunikaciji nałožić;
• aspekty esperantoweje kultury spóznać a rozumić;
• w šěršim esperantowym swěće žiwy być, wobdźělujo so z wužitkom a wjeselom na esperantowych kursach a podawkach kaž tež městnych, regionalnych, narodnych a mjezynarodnych zetkanjach.

Dr. Paul Gubbins, awtor, wujasnja, zo, hačrunjež "Pasporto al la tuta mondo" je za wučenje započatkarjow mysleny, zabawja tež samo nazhonjenych esperantistow. Móža sej kurs wobhladać a wužiwać, kaž by swójbna serija w telewiziji był. Dokelž lekcije su bjezčasne, wostanu za wjele lět bjez změny aktualne.

Domjaca strona kursa a podrobne informacije namakaš na: http://www.diana-babeck.de/1597.html.