[ Podpěraćeljo | Team | Pomocnicy | Rěčni pomocnicy | Přełožowarjo ]

Dowol, zo předstajam... TEEEEEEEEEEEEEEEEEAM LERNUUUUUUUUUUUUUUUUUUUUUUUU!!!!!!!!!!!!!!!!!!.

Mjeno: Bertilo WENNERGREN (bertilow)

Kraj: Južna Koreja a Němska (ze šwedskim pasom)

Zamołwitosće: Programowanje a rěčne poradźowanje

Sebjepředstajenje: Sym so w lěće 1956 narodźił. Esperanto sym w lěće 1980 wuknył (po tym zo běch so wjele lět za rěč zajimował) Sym programowar a hudźbnik a čłon Akademije esperanta. Bydlu ze swojej mandźelskej hłownje w Južnej Koreji, ale za wěsty dźěl lěta w Němskej. Esperanto je naša domjacna rěč.

---

Mjeno: Erin PIATESKI (erinja)

Kraj: USA

Zamołwitosće: Přełožuje strony lernu! do jendźelšćiny, pomha při nahrawanju zynkow a organizuje zhromadne dźěło mjez lernu! a NASK.

Sebjepředstajenje: Sym so w lěće 1980 narodźiła, blisko hłowneho města USA. Sym so w lěće 1995 z esperantistku stała, dokelž běch słyšała, zo Esperanto je lochka rěč a chcych běžnje cuzu rěč řěčeć móc. Njemóžach sej tehdy docyła předstajeć, zo je móžno z esperantom po swěće pućować. Sym inženjerka mechaniki. W swojim swobodnym času čitam rady a warju wegetariske jědźe ze wšěho swěta.

---

Mjeno: Hokan LUNDBERG (ho)

Kraj: Šwedska

Zamołwitosće: W lernu! pomha při programowanju, kursach a planowanju.

Sebjepředstajenje: Sym so w lěće 1972 w Šwedskej narodźił, wot lěta 2002 bydlu ze Sonju Petrowić, kotraž je w TEJO aktiwna, w Serbiskej. Sym wukubłany programowar a gymnazialny wučer za informatiku a matematiku. Pjeć lět sym jako programowar dźěłał. Wot lěta 2002 zaběram so połnje z esperantowymi projektami a nadźijam so, zo móžu w tym tež w přichodnych lětach pokročować.

---

Mjeno: Jevgenij GAUS (Jev)

Kraj: Litawska

Zamołwitosće: Nětko je hłowny programowar lernu!

Sebjepředstajenje: Sym swoje žiwjenje w lěće 1978 započał. W lěće 1999 započach esperanto wuknyć a po něšto měsacach započach je wučić. Nětko studuju prawnistwo a w samsnym času wěnuju stajnje esperantu. Zaběram so jara rady ze wšelakimi mjezynarodnymi projektami.

---

Mjeno: Neringa GAUS (Jasminka)

Kraj: Litawska

Zamołwitosće: Zaběra so z wobsahom lernu!, spisuje zwučowanja, zaběra so z rubrikomaj "Nowiny" a "Słowo dnja", pomha při přełožowanju lernu!.

Sebjepředstajenje: W lěće 1984 je wosud rozsudźił, zo dyrbju hižo na swět přińć, a... sym so narodźiła. Esperanto započach w lěće 2001 wuknyć a poněčim započach so ze wšelakimi projektami zaběrać. Nětko wěnuju wjele časa lernu! a litawskořěčnemu časopisej "Esperanto mozaika". Nimo toho studuju informatiku w jednej z litawskich uniwersitow.

---

Mjeno: Sonja PETROVIĆ (so)

Kraj: Serbiska a Čorna Hora (bydli wšak nětko w Šwedskej)

Zamołwitosće: Oficelna koordinatorka projekta lernu!, zaběra so ze wšěm trochu ;-).

Sebjepředstajenje: W lěće 1998, hdyž běch 15-lětna, sym rozsudźiła, esperanto wuknyć, zo bych tež druhe kraje hač něhdyšu Juhosłowjansku zeznała, hdźež sym so narodźiła. To je so jako dobra ideja wukopało: dźak esperantu pućowach wjele po swěće, hač do 2004, hdyž je so moja dźowčička Iva narodźiła. W lěće 2005 přećahowachmy do Šwedskeje, do ródneho kraja Hokana, Ivineho nana.
Nimo esperantowych projektow a hraća z małej Ivu, studuju a čitam rady, zetkawam so z přečelemi, plahuju kwětki a zeleniny a porjeńšam nowy dom.

---

Wosebje wažni sobudźěłaćerjo

Aaron CHAPMAN (Arono)

Aaron činješe hłosowe a zynkowe nahraća a běše hłowny designer lernu. Bydli ze swojej mandźelskej Karlina we Vancouverje, Kanada. Aaron bě jedyn z prěnich teamowych čłonow.

Allon ROTHFARB (Allon)

Programowar z Israela. Pomhaše při programowanju a fungowanju hebrejskich stronow (a druhich stronow z pisanskim směrom wotprawa dolěwa - RTL).

Chuck SMITH (amuzulo)

Załožer Wikipedije w esperanće a Eklaboru. Pomhaše lernu! přełožić a testować.

Clayton SMITH (Argilo)

Prěni hłowny programowar stronow. W lernu! zaběra so nětko ze zrjadowanjom serwerow.

Cleve LENDON

Programowar z Kanady, kiž nětko w Tokiu, w Japanskej bydli. W lernu! wutwori program za dźělenje słowow za słownik a wjacore hry. Nimo wutworjenja softwary a esperantowych webstronow, ma Klivo irske reje rady.

Helen CLAESSON

Rysowaše najwjetši dźěl ilustracijow na stronach, mj. dr. za kursy "Gerda Malaperis", "Jen nia IJK", "Ana Pana", "Ana renkontas", za krótku gramatiku a wšě wobrazy z kóčku Maz.

Henning VON ROSEN (henning)

Přinošowaše wjele ke konceptej lernu!, bě jedyn z prěnich teamowych čłonow. Pomhaše wobrazy słownik za lernu! wutworić. Henning bydli w Šwedskej.

Ingvar VON SCHOULTZ (Ingvar)

Bydli w Šwedskej. Pola lernu! pomhaše při programowanju, hłownje za kurs "Vojaĝu kun Zam".

Oleg IZYUMENKO (Oleg326756)

W lernu! pomhaše při přełožowanju do rušćiny, w rěčnym pomocy a při implementowanju technologijow Google do stronow, tež přu podpěrje lernu! přez Google a při wobdźělenju lernu! na jeho programach.

Radojica PETROVIC

Wutwori zwučowanja za kurs "Jen nia IJK" lernu!. Wuči informatiku a wučbnu metodiku na uniwersiće w Čačaku w Serbiskej a Čornej Horje. Radojica je prezident ILEI (Internacia Ligo de Esperanto-Instruistoj). Dźěła wjele za projekt Interkulturo.

Vitaly MONASTYREV (mesh)

Programowar z Ukrainy, kiž nětko w Němskej bydli. Pomhaše při programowanju a sćahujomnej wersiji lernu!.