Dźěl wobdźělnikow SES-2007

Wěš hižo, hdźež w lěću na sewjernej połkuli přebudźeš? Snano je hižo čas přišoł, zo by esperanto tež zwonka wirtualneho swěta wužiwało a studowało? Zarjadowanje SES ("Slava Esperanto-Studado"), kotrež je so loni přeni raz wuspěšnje wotměło, je so trochu přetworiło a nětko organizatorojo namjetuja ći nowe zarjadowanje - "Someran Esperanto-Studadon" (Lětni esperantowy studij), kotrež so lětsa mjez 9. a 17. awgusta w Modra-Harmónia, Słowakskej wotměje, a we wobłuku kotrehož so tež wulke zetkanje wužiwarjow, pomocnikow a tworićelow lernu! organizuje!

Ideja SES je zhromadne lětnje zarjadowanje organizować, kotrež studij esperanta z přijomnym dowolom a zabawu w mjezynarodnej atmosferje kombinuje a kotrež hodźi so za woprawdźitych započatkarjow kaž tež za pokročenych, kotřiž chcedźa swoje rěčne znajomosće polěpšić. Team lernu! hižo dawno soni wo tym, wužiwarjow a pomocnikow stronow na zhromadne zarjadowanje přeprosyć, ale dotal njeběchu žane dobre wuměnjenja za to. Zda so, zo nětko je čas přišoł, tutón stary són zwoprawdźić! SES ma hižo nazhonity organizaciski team a wuběrne městno, kotrež je perfektne za rěčnu wučbu a lochko docpějomne z třoch europskich stolicow a relatiwnje blisko města, hdźěz so IJK 2008 wotměje.

Nimo studowanja esperanta w kursach rozdźělnych schodźenkow, nawjedowanych wot znatych wučerjow esperanta, budźe móžno so na pisanym popołdnišim programje wobdźělić, koncerty wopytać, wječor rejować, cyły čas swoje rěčne znajomosće praktisce přez komunikaciju z druhimi wobdźělnikami ze wšelakich krajow wužiwać, wothladowarjow lernu! zetkać, wjace wo nim wuknyć a přichodne wuwiće stronow wobwliwować, wulětow sej wulećeć, přirodu wužić a sej zajimawostki wobhladać (zarjadowanje so na překrasnym městnje pódla lěsow a jězorow wotměje), sportować, billiard hrać a wjele wjace. Prińdź a njebudźeš to wobžarować!

Jeli chceš za zarjadowanje wabić, přidaj wabjenske pasma k swojim stronam!