SES 2008 so w Modra-Harmónia, w Słowakskej, w kubłanskim srjedźišću Srjedźišća za dalekubłanje Komeniusoweje uniwersity wotměwa.

Městno je rjane a měrne městačko, kotrež pod horinami "Małe Karpaty (Malé Karpaty) leži, 30 km wot Bratisławy a 25 km wot Trnavy. Zdalenosć wot wienskeho lětanišća (Schwechat) do Bratisławyje něhdźe 45 km a zdalenosć wot Budapestskeho lětanišća do Bratisławy je něhdźe 160 km.

Wobdźělnicy budu w přijomnych dwułožowych stwach z dušu a nuznik. Dohromady su stwy za 84 wosobow, dalše 240 wosobow móže w pódlanskim studentskim internaće přenocować - tohorunja w dwułožowych stwach. Nimo toho hodźi so tež stanować, jeli swoje stany sobu přinjeseće. Ćo, kotřiž so najzašo přizjewjeja, dóstanu najlěpše dwułožowe stwy, ći, kotřiž trochu pozdźišo dóńdu, mjenje dobre duwłožowe stwy a ći, kotřiž so najpozdźišo přizjewjeja, budu w studentskim internaće bydlić.

Městno, hdźež so program wotměje, ma wjacore stwy za studowanje apřednoški, kompjuterowy městnosć z internetom a móžnosću, swójske přenošne kompjutery wužiwać; bjezgrotowu syć w přizemju cyłeje studijneje městnosće, kongresowe srjedźišćo z podijom, projektorom a pianom; telewizijnu stwu, małe sportnišćo, w domje městno za billiard a blidotenis a wonka tenisownišćo, hrajnišćo za minikopańcu a terasu z grilom. Direktnje pódla městna je korčma, kotraž ja cyłu nóc wotewrjena a w bliskosći je tež diskoteka z kehelnju.