Je wjele wašnjow lernu! pomhać a mjez nimi je zawěsće tež někajke za tebje, kiž tutu stronu čita. Jeli njenamakaš ničo přihódne w lisćinje horjeka, skontaktuj prošu.

• Přełožowanje - jeli lernu! hišće w twojej rěči njeje, móžeš je přełožować a jeli twoja rěč eksistuje, móžeš při kontrolowanju teksta a aktualizaciji pomhać. Móžeš při přełožowanju tež pomhać, jeli esperanto derje njewobknježiš, ale w tym padźe prosymy će nam wo tym pisać. Hewak móžeš wikijowu stronu za přełožowarjow čitać.
• Rěčna pomoc - rěčni pomocnicy činja jedyn abo wjacore wažne nadawki za strony (po swójkim wuběrje). Kontroluja kursowu korespondencu wužiwarjow lernu! ze samsnej rěču, wotmołwjeja na jich prašenja a komentary abo přełožuja ju, zo bychu druzy wotmołwić móhli, nawjeduja wirtuelne lekcije a/abo staraja so wo narodnorěčne forumy. Jeli chceš rady při jednym abo wjacorych z tutych nadawkow pomhać, slěduj prošu tute instrukcije.
• Redigowanje słownikow - słowniki su jedyn z najwjace wužiwanych dźělow lernu!, ale słowoskład je bohužel hišće jara mały za wjacore rěče, w kotrychž lernu! eksistuje. Jeli chceš při polěpšenju a dopjelnjenju słownikow lernu! pomhać abo snano nam dowoleš lisćinu słowow z přełožkami mjez esperantom a druhej rěču, kotruž sy za druhi zaměr wutworił, wužiwać, by to jwuběrnje było! Wopytaj prošu w tym padźe wikijowu stronu za słownikarjow.
• Programowanje - hłowne programowanske techniki, kotrež lernu! wužiwa, su PHP (z trochu Smarty), JavaScript, Perl a Flash. Jeli maš profundne znajomosće wo nich a/abo wo XHTML a MySQL, bychmy so wjeselili, jeli by nam pisał.
• Wobsah - hłowny dźěl kóždeho wuknjenskeho medija je wězo wobsah a pola lernu! bu tak bohaty dźak přinoškam stow jednotliwcow. Jeli maš wučbny material, dobre zynkowe dataje, wobrazy, filmy a pod., kotrež su za wuknjenje esperanta abo za informowanje wo nim wužitne, a jeli chceš (tysacym) druhim wužiwarjam zmóžnić, zo bychu twój material zwužitkowali, pósćel jón nam! (Jeli twój material so jenož na wučerjow esperantow měri, da je Edukado.net lěpše městno, zo by jón wozjewiło, ale jeli da so za šulerjow a wučerjow přiměrić, čehodla jón na woběmaj městnach njewozjewić?
• Testowanje a kontrolowanje - samo najlěpši programowarjo, přełožowarjo a spisarjo wobsahow druhdy myla a tohodla je wažnje nowe (a stare) dźěle lernu! derje testować a překontrolować. To móžeš hižo činić, hdyž strony wužiwaš a nam komentary sćeleš (na přikład přez wotkaz deleka na kóždej stronje lernu!), ale móžeš samo wjace pomhać, hdyž so jako testowar přizjewješ a hišće zjawnje njepřistupne dźěle stronow kontroluješ.
• Design - lernu! trjeba wjele wobrazow a rysowankow. Je přijomnišo teksty z ilustracijemi čitać, lóšo gramatiku rozumić abo nowe słowa wuknyć, hdyž su wujasnjenja tež rysowane, wjacore tłóčatka móhli rjeńšo być, wjacore strony wustojnišo wuhotowane... Jeli maš napad nam pomhać lernu porjeńšić, budź witany!
• Informowanje - bychmy so wězo wjeselili, jeli wšitcy, kotřiž chcedźa esperanto wuknyć, bychu wo eksistency lernu! wědźeli a zo wšitcy, kotřiž hišće njewědźa, štož je esperanto, móhli so wo tym informować. Tohodla smy hromadu rozdźělnych informaciske srědki wutworili, kotrež móžeš wužiwać, jelic cheš při informowanju pomhać. Bychmy so tež wjeselili, wo twojej informaciskej aktiwiće słyšeć, jeli chceš nam pisać.
• Ideje a komentary - naposledk chcemy posledni raz wažnosć twojich reakcijow na wšě, štož lernu! nastupa, podšmórnyć. Nic přeco móžemy hnydom reagować, ale to njewoznamjenja, zo smy to, štož sy napisał, zabyli abo je ignorujemy. Móže być, zo twoje ideje za přichodny krok we wuwiću lernu! do dźěłoweho plana zańdu, ale móže tež być, zo (předewšěm, jeli wjele wužiwarjow samsne měni) so tež zašo zwoprawdźi. Twoje měnjenje wo jednotliwych stronach abo dźělach lernu! sćeleš najlěpje přez komentarny wotkaz deleka na kóždej stronje a powšitkowne (podrobne) měnjenje wo stronach přez prašenjach abo (mjenje podrobnje) do hóstneje knihi. Wulki dźak!